Apre nou fin konstate pa gen okenn òganizasyon nan peyi a ki bay tèt yo kapasite pou defann enterè Ayiti, nou pran responsablite nou devan listwa pou nou kreye yon Mouvman pou Defann Enterè Pèp Ayisyen. Mouvman pou Defannn Dwa ak Enterè Pèp Ayisyen (MODDEPA) se yon mouvman politik pwogresis yon gwoup ayisyen k ap viv ann Ayiti ak nan dyaspora a mete sou pye nan yon pou nou kapab rasanble tout frè n ak sè n yo, epi fè yon konbit pou devlope, modènize, etabli sekririte pou Ayiti ka tounen yon paradi pou tout ayisyon. Nou pran inisyativ pou nou kreye MODDEPA apre nou konstate pou gen okenn òganizasyon oubyen pati politik ki gen volonte oubyen ki bay tèt yo kasite pou defann enterè nasyon an. Epi tou, lè nou tande ayisyen toupatou ap di "ti rès la pou Ayiti," nou pran angajman pou nou bay "100% pou Ayiti."

Nan 30 ane ki soti pase la yo, nou konstate tout swadizan pati politik ki parèt rive disparè apre moun ki te fonde yo a mouri. Epi tou, gen ti gwoup ki pa menm gen 10 moun, epi yo rele tèt yo pati politik. Jeneralman yo parèt lè gen eleksyon; tout swit apre, yo disparèt tankou lafimen. Depi rejim Duvalier a tonbe an 1986, tout swazidan pati politik ki parèt yo toujou kòmanse Pòtoprens; apre sa yo chèche kèk grenn manm nan pwovens yo. Lè nou gade nan peyi vwzen nou yo, tankou Sendomeng, Jamayik, Kostarika, gen pati politik ki gen plis pase 80 ane depi yo egziste. Nans sans sa a, nou ka di peyi nou an poko genyen pati politik. Nan yon sistèm demokratik, si pa gen pati politik ki byen òganize, pap gen estabilite. Sa vle se paske nou genyen vrè pati politik nan peyi ki fè se yon gwoup manfouben ki rive prezidan ak premye minis nan peyi nou an.

Akoz absans pati politik tout bon nan peyi nou an, nou remake nan 15 ane ki sot pase yo, tout gouvènman ki monte yo gen yon seri prezidan analfabèt fonksyonèl ki nan tèt pouvwa a. Yo nan plas sa tousenpleman pou defann enterè gran kòmèsan patripòch yo. Ti gwoup moun komèsan rapas sa yo kontwole gouvènman sa yo ansanm ak tout richès ki nan peyi a. Ki rezilta sa bay? Nou wè peyi a vini pi mal chak jou ki pase; bandi ak zanm ap simen laperèz ak lanmò nan peyi a avèk konplisite gouvènman an. Klima ensekirite sa a gouvènman ak gran komèsan sa yo mete nan peyi fè yo vin pi rich alòske majorite pèp la plonje nan mizè nwa ak dezespwa, Imajine nou koulye a, nou dwe genyen plis pase 120 goud pou nou achte yon dola ameriken! Pa gen elektrisite, enpòtasyon pwodui k ap soti nan lòt peyi ogmante, popilasyon pa gen jwenn swen sante, tout manje vin chè. Sa vle di, tout moun ki kapab jwenn mwayen pou yo kite peyi a retire kò yo pou y ale Sendomeng, Chili, Brezil, Ajantin, Etazini, Kanada, Frans, elt. Pou nou retire Ayiti nan twou patripòch yo lage l la, nou gen obligasyon pou nou kreye yon pati politik ki ka charye tout revandikasyon nasyon an, epi ki bay tèt li kapasite ak mwen pou pouva non pa pou sèvi yon ti gwoup moun, men pou garanti ak pwoteje enterè tout aysiyen, espesyalman sa yo k ap sibi eksplwatasyon depi apre asasinay Emperè Desalin.

Moun ki pran inisyativ kòmanse mete baz MODDEPA konnen ki jan yon pati politik nòmal e modèn dwe fonkyone paske nou vizite pati politik nan peyi Karayib yo, peyi Amerik Lain yo, Etazini, Kanada, Lafrans, elt. Nou konnen gen lòt ayisyen ki konnen kòman  yon pati politik dwe fonksyone tou, men yo pa gen ni volnte ni kapasite pou yo mete prensik sa yo an pratik. Nou menm nan MODDEPA, nou gen volonte, nesesite, obligasyon, responsablite, kapasite ak mwayen pou nou bay Ayiti yon pati politik ki byen òganize; epi se yon pati ki genyen yon kantite  lidè nan seksyon kominal yo, nan komin yo, nan depatman yo, nan dyaspora a k ap dirije MODDEPA. Nou pa kreye MODDEPA pou nou menm, nou pran inisyativ sa pou jenerasyon k ap vini. Sa vle di MODDEPA se pa pwopriyete yon sèl moun; li se patrimwán tout ayisyen san eksepsyon.

1. Anvan menm nou gen rekonesans legal, n ap gentan gen manm nan tout komin nan peyi a

2. N ap gen lokal nan tout depatman ak komin nan peyi a;

3. Biwo nou yo ap fonksyonen tankou nenpòt enstitisyon modèn;

4. N ap gen yon prezans nan tout peyi pandan tout ane a;

5. Mouvman politik nou an ap fonksyone tankou yon gouvènman k ap secretary k ap fonskyone tankou ministè

6. Daprè òganigram  MODDEPA, gen 2 gran kategori group. Youn nan yo okipe kesyon politik ann Ayitik e aletranje; lòt gwoup travay sou gen yon ekip ekspè k ap planiye, fè pwopozyon pou amelyore tout sèvis nan peyi a, tankou sante, edikasyon, agrikilti, sekirite, jistis, elektrisite, anviwònman.

Nou konte sou kotizasyon manm nou yo ki ann Ayiti, espesyalman nan dyaspora a pou finanse tout pwogram nou yo ak activite MODDEPA yo. Nou konnen gen yon majorite moun nan peyi a ak nan nan dyaspora ki prèt pou finanse tout mouvman politik serye k ap defann e pwoteje enterè peyi a. Nou gen anpil moun ki gentan kòmanse bay patisipasyon pandan n ap mete baz mouvman politik sa a.  N ap tou pwofite di moun sa yo gwo mèsi.

Si nou gade istwa nou, nou gen kapasite pou nou finanse MODDEPA. Lè zansèt te kanpe devan lanme fransè a nan ane 1803 pou ba nou Ayiti kòm eritaj, se yo menm ki te mete ansanm pou yo jwenn mwayen pou yo finance òganizasyon politik ki mennen nou nan endepans 1e janvye 1804.  Koulye a  nou gen yon milyon fwa plis mwayen pase zansèt nou yo. Sa vle nou kapab finanse MODDEPA ki se mouvman politik k ap libere Ayiti epi rebay pèp ayisyen diyite politisyon patripòch pase anbe pye.