Nan MODDEPA nou kwè tout ayisyen nèt gen akadreman teknik ak  mwayen  ki pèmèt yo  satisfè tout bezwen nou genyen pandan n ap viv sou tè; epi tou kite resous ki nesèsè pou jenerasyon k ap vini yo.

Sa vle di  tou nou gen dewwa pou nou travay ak ladrès epi disiplin poun posede tout sa nou bezwen pou n rive asire n :

• sekirite ak sifizans alimantè

• dlo potab

• lojman konfòtab

• mwayen konvenab pou deplasman

• sekirite fizik e sosyal

• edikasyon

• lwazi

2. depandans ekonomik egal depandans politik

3. moun ki gen kontwòl vant ou gen kontwòl lespri ou. 

4. Gen ase richès ann Ayiti pou nou tout viv nan labondans. Se pa mwayen k manke ; se sèvo k manke

5. tout richès ki ekziste se sou tè  a anba pye nou ak anba dlo yo ye (metal yo, dyaman, petwòl, gaz, sèl). Nou pa bezwen tann lesyèl.

6. Youn nan prensipal koz povrete ak lamizè se *mantalite edennik* lan ki kreye lakay anpil moun kif è nou refize travay epi bay tèt yo kapasite ak mwayen pou yo pwodui richès. Mantalite jaden dedenn vle di nou vle pou nou jwenn tout bagay pou nou viv san nou pa travay pou sa.

7. solisyon pou kreye richès se koupe fache avèk mantalite edennik lan pou nou domine latè avèk laswè fwon nou. Se lè sa a n ap domestike bèt yo, fui yo, miltipliye tout bagay sou latè,  deplase montay, pouse lanmè, kreye lak atifisyèl, fouye pui pou fè elvaj ak agrikilti, fè transfòmasyon agrikòl, konstwi kamyon, tren, bato, avyon….pou transpòte pwodiksyon nou yo.

Vizyon Ekonomik MODDEPA:

Chak jou ki jou, tout manm MODDEPA  angaje yo nan kreye kondisyon ak fè aksyon konkrèt ki pou kreye ak militipliye riches  atravè envestisman nan tout sektè.

• agrikilti ( kilti latè, elvaj, lapèch)

• pwodiksyon alimantè ak tout lòt pwodui pèp la bezwen chak jou

• sektè sèvis

• komès ak endistri (enpò-ekspò)

• transfòmasyon ak konsèvasyon pwodui agrikòl

• transpò (anlè, pa mè, pa tè)